ساگ پکانے کے ترکیب حاضر ہے۔۔ہر گھر ہر علاقے میں ساگ مختلف طریقوں سے پکایا جاتا ہے میری امی جان اس طریقے سے بناتی ہیں۔
سرسوں کا ساگ اور مکئ کی روٹی
اجزاء:
سرسوں کا ساگ(گندلیں) ۔۔ دو کلو
پالک ۔۔ ایک کلو
میتھی ۔۔ آدھا پاؤ
بتھوا آدھا پاؤ
ہری مرچ ۔۔ دس سے پندرہ عدد
لہسن آٹھ سے دس جوئے
نمک۔۔۔۔حسب ذائقہ
سرخ مرچ۔۔۔۔۔حسب ذائقہ
تڑکہ:
کٹی ادرک ۔۔ چار کھانے کے چمچ
ثابت لال مرچ ۔۔ چھ سے آٹھ عدد
زیرہ ۔۔۔۔۔۔ایک چمچ
پیاز باریک کٹا ۔۔۔۔ایک عدد
دیسی گھی ۔۔ ایک کپ
مکئ کی روٹی بنانے کیلے:
مکئ کا آٹا ۔۔ دو کپ
گندم کا آٹا ۔۔ تین چوتھائی کپ
نمک ۔۔ حسب ذائقہ
دودھ کی بالائی۔۔۔۔ تین چمچ
دیسی گھی ۔۔ حسب ضرورت
ترکیب:
سرسوں کا ساگ، پالک بتھوا اور میتھی کو اچھی طرح دھو کر کاٹ کر ابلتے ہوئے پانی میں ڈال کر مکس کریں۔ اب اس میں لہسن، ہری مرچ نمک، سرخ مرچ شامل کرکے گلنے تک پکائیں ہلکی آ نچ پر دو گھنٹے پکائیں تو لذیذ ساگ تیار ہوگا ۔ اور پھر اسے گھوٹ لیں اور چار چمچ گندم کا آٹا ڈال کراچھی طرح بھون لیں پانی خشک کر لیں۔ اس کے بعد دیسی گھی گرم کر کے اس میں ثابت لال مرچ، باریک کٹی ادرک، زیرہ ،پیاز کا تڑکہ سرسوں کے ساگ کو لگا دیں
مکئ کی روٹی بنانے کا طریقہ
مکئی کے آٹے میں تازہ بالائی ،نمک اور سفید آٹا ڈال کر نیم گرم پانی سے گوندھ لیں. آ ٹا نہ بہت سخت ہو نہ نرم درمیانہ ہو پھر روٹی بنا کر دیسی گھی لگا کر تیار کر لیں۔ آخر میں ساگ کو مکئ کی روٹی کے ساتھ پیش کریں۔
طالب دعا 🤲
